O domingo 17 de maio de 2015, na Barragem de
Bagaúste na Régua, en Vila-Real (Portugal), disputáronse as probas de Media
Maratón (21km), Mini Maratón (6km), Media Maratón en Cadeira de Rodas (21km) e o
Campionato do Mundo INAS.
A décima edición do EDP Media Maratón do Douro
Vinhateiro estivo organizada por GlobalSport, a través da Running Wonders, e
reuniu a máis de 12.000 atletas de case trinta países do mundo. Dous deses
valentes foron Borja Cadilla e Roberto Martínez, membros do Club Atletimo
Trega-San Xerome, que competiron na categoría V35.
A décima edición da chamada “A Máis Bela
Carreira do Mundo” foi todo un éxito, pero tamén unha dura proba, a intensa
calor presente ao longo do percorrido demandou un sobreesforzo aos atletas que
mermou de modo considerable o remate da proba no número de participantes.
Esta proba se celebra no corazón do Douro
Vinhateiro, a unha rexión remarcada como unha das máis Antigas do Mundo,
Patrimonio Mundial, e cuna do famoso viño do Porto.
Un novo reto para os atletas do San Xerome,
neste caso Borja Cadilla (Dorsal 7402) asinou unha marca de 1:40:03, e finalizou na posición 494
total, e de 109 na categoría de V35. Pola súa banda Roberto Martínez (Dorsal 7408),
adestrador do Club P. San Xerome na súa sección de Atletismo, obtivo unha marca
de 1:20:34, nunha máis que meritoria 10 posición na categoría V35 e 50
no total da proba.
Noraboa aos dous campións
Ningún comentario:
Publicar un comentario