Este pasado mércores día 4 de marzo celebrouse o Campionato
Galego de Campo a través, no circuito habilitado no Parque de Castrelos. Este Campionato estivo organizado pola
Federación Galega de Deporte Adaptado (FEGADA), na súa sección de
discapacitados intelectuais.
Despois
de moitos días de chuvia, espertamos cun día de sol brilante o que facilitou o
desenvolvemento da proba. Déronse cita máis de 200 participantes, o Club P. San
Xerónimo Emiliani, competiu cun total de 9 atletas, con moi bos resultados.
A
destacar a categoría absoluta, Competición maiores de 15 anos, onde en homes Borja Cadilla acadou a medalla de Ouro,
e Maite Santos a medalla de Bronce
en mulleres. Na categoría Xogo maiores de 15 anos, Jennifer Álvarez obtivo
medalla de bronce. Outros resultados a destacar foron os cuartos postos de Luis Antonio Sández, Fran Martínez e Óscar Moure. Completaron o equipo de atletismo do San Xerome Lourdes Fernández, Celia López e Miguel Ángel Bello. En xeral, un moi bo día de competición, onde os
usuarios disfrutaron do deporte e da compañía doutros deportistas e monitores.
Dende o Club queremos agradecer aos monitores o traballo que veñen de realizar nos adestramentos semanais, a colaboración da Sociedade Atlética do Trega e a todos aqueles que fan posible os apoios necesarios para acudir a ésta e outras competicións.
(clica nas fotos para velas máis grandes)
Ningún comentario:
Publicar un comentario